Вірусы, самастойная група пракарыятычных арганізмаў, якая адрозніваецца ад бактэрый і эўкарыятычных арганізмаў малымі памерамі цела, адсутнасцю самастойных бялоксінтэзуючых і генерыруючых энергію сістэм, выразным цытатрапізмам і аблігатным унутрыклетачным паразітызмам. Валодаюць кардынальнымі ўласцівасцямі жывога: самаарганізацыяй, самааднаўленнем, самаразвіццём і самарэгуляваннем жыццядзейнасці. Існуюць у форме (стадыі) вірыёна, правіруса, вегетатыўнага віруса. Паразітуюць у жывёл (заавірусы), раслін (фітавірусы) і бактэрый (бактэрыяфагі).