ВРВІ, група вострых рэспіраторных вірусных захворванняў чалавека, якія выклікаюць прадстаўнікі сямействаў і родаў ортаміксавірусаў, параміксавірусаў, рэавірусаў, рубівірусаў, рынавірусаў, каронавірусаў, адэнавірусаў, герпесвірусаў. Характарызуецца віруснай этыялогіяй, вострым цячэннем, паражэннем рэспіраторнага тракта, паветрана-кропельным шляхам перадачы, масавым распаўсюджваннем, павелічэннем захворванняў у асенне-зімні перыяд, нізкай эфектыўнасцю супрацьэпідэмічных мерапрыемстваў.