Інтэрферонагены, індуктары інтэрферону. Фактары, якія індуцыруюць сінтэз інтэрферонаў клеткамі хрыбетных жывёл. З прыродных фактараў такімі ўласцівасцямі валодаюць РНК- і ДНК-геномныя вірусы, некаторыя віды бактэрый, актынаміцэтаў, рыкетсій, хламідый, мікаплазмаў, таксаплазмаў, плазмодый, нуклеінавыя кіслоты, ліпаполіцукрыды бактэрый, поліцукрыды грыбоў, прыродныя поліфенолы. З сінтэтычных рэчываў сінтэз ІФ індуцыруюць поліфасфаты, полікарбаксілаты, полісульфаты, цыклагексімід, канаміцын, тыларан, дыбензілфуран, прапандыямін, асноўныя фарбавальнікі. Сінтэз гама-інтэрферону індуцыруюць мутагены і малекулярныя антыгены.