Рабдавірусы, сямейства складаных РНК-геномных вірусаў - паразітаў жывёл і раслін. Вірыёны рабдавірусаў жывёл маюць форму кулі, памерам 50-95 x 130-180 нм. Геном прадстаўлены аднанітачнай негатыўнай малекулай РНК, якая асацыіравана з бялкамі полімераза-транскрыптазнага комплексу. Капсід пабудаваны па спіральным тыпе. Нуклеакапсід акружаны мембранным бялком і ліпідным слоем, у які ўстаўлены пепласны глікапратэід у выглядзе раснічак. Рабдавірусы жывёл падзелены на два роды: вірусы везікулярнага стаматыту і вірусы шаленства (гл. рабдавірусы).