Цытамегалавірус чалавека (ЦМВ), уваходзіць у падсямейства бета-герпесвірусаў. Інфіцыраваныя клеткі павялічваюцца ў памерах (цытамегалія). Лёгка пераходзіць у бессімптомную або клінічна-лакальную інфекцыю слінных залоз, нырак, нервовай сістэмы, лёгкіх, а таксама ў вострае ліхаманкавае захворванне, якое нагадвае інфекцыйны монануклеёз. Калі вірус трапляе ў плод, можа развівацца прыроджаная паталогія.
