Грам. Адзінка вагі ў метрычнай сістэме мер, роўная вазе аднаго кубічнага сантыметра вады; тысячная доля кілаграма.
Дзед Вячэра ўжо аж надта прывык да гэтай куплі на вока: ён памыляўся толькі на грамы. Я.Брыль.
Гран. Адзінка аптэкарскай вагі, роўная 0,062 грама (звычайна ў выразе: ні грана - ніколькі, зусім нічога).
Купалаўскае асэнсаванне былога не мела ў сабе ні грана музейнага рэстаўратарства. Р.Бярозкін.
