сітаваты // сітавы // сітны

Сітаваты. Падобны на сіта; з порамі, дробнымі дзірачкамі, пустотамі.
Хрупала пад нагамі падшэрхлая наледзь, а з палёў патыхала вільгаццю праталін і набраклым сітаватым снегам. С.Грахоўскі.

Сітавы. Спец. Які мае адносіны да сіта, сітаў; з сітам, сітамі.
Раней на ўвесь калгас не так ужо многа сітавых веялак, а праз іх трэба было прапусціць увесь змалочаны хлеб, каб ачысціць. Звязда.

Сітны. Прасеяны праз сіта - спечаны з прасеянай праз сіта мукі.
Частавала белым сырам, хлебам сітным, мёдам пчолім. Я.Купала.