стэрылізацыя // стэрыльнасць

Стэрылізацыя. Знішчэнне мікраарганізмаў кіпячэннем, праграваннем, уздзеяннем хімічных рэчываў і г.д.
Сінонім: абеззаражванне.
Мала куды ідзе аперацыйная сястра з біксаю, можа нясе інструмент у стэрылізацыю, ды мала яшчэ што можна рабіць пасля аперацыі. Л.Арабей.

Стэрыльнасць. Адсутнасць на чым-н. мікраарганізмаў.
Не маючы ўяўлення аб мікробах, стэрыльнасці, дэзінфекцыі, прымяняючы самыя розныя брудныя інструменты, яны [знахары] калечаць сваіх пацыентаў, а то і зусім прыводзяць да гібелі. Пытанні рэлігіі і атэізму.