сцябліністы // сцяблісты // сцябловы

Сцябліністы. Які мае сцябло, сцябліну.
Ён ... сышоў з зарослай сцежачкі, па якой, мусіць, даўно ніхто не хадзіў, якую і так цяжка было пазнаць між сцябліністага смарганцу, між сухога галля. Я.Сіпакоў.

Сцяблісты. З вялікім сцяблом ці з вялікай колькасцю сцёблаў.
Лён доўга стаяў там на покуці - высокі, сцяблісты, жоўты, як воск. В.Палтаран.

Сцябловы. Які мае адносіны да сцябла; размешчаны на сцябле; са сцяблом.
Сцябловыя парасткі. Сцябловыя вузлы.