транспарцёр // транспарцір

Транспарцёр.
1. Механічнае прыстасаванне для бесперапыннага перамяшчэння грузаў, асобных дэталей.
Сінонім: канвеер.
Узяліся мы дружна, стужка транспарцёра аж прагіналася, несучы ў вагон бясконцую плынь жытніх зярнят. У.Дамашэвіч.
2. Браніраваная машына для перавозкі пяхоты на поле бою і для разведкі.
Сінонім: бронетранспарцёр.
Два танкі вельмі асцярожна, адзін па правым баку дарогі, другі па левым мінулі транспарцёры і набліжаліся да мастка. В.Быкаў.

Транспарцір. Прыбор у выглядзе падзеленага на градусы паўкруга і лінейкі, прызначаны для пабудовы і вымярэння вуглоў на чарцяжах.
Для вымярэння вуглоў прымяняецца асобы прыбор - транспарцір. Геаметрыя.