трэніраваны // трэніровачны

Трэніраваны. Які прайшоў добрую трэніроўку; добра развіты рэгулярнай трэніроўкай.
Рослы, зграбны ... у дасканала падагнаным кіцелі, пад якім адчувалася дужая, трэніраваная постаць, з залатой зоркай на кіцелі, з дасканалай выпраўкай, ён [Чарняхоўскі] быў у гэты час вельмі прыгожы, мужна прыгожы... І.Мележ.

Трэніровачны. Які мае адносіны да трэніроўкі; прызначаны для яе.
Мужчына ... хутка, па-вайсковаму надзеў трэніровачны касцюм, абуў кеды ... і лёгенька, паволі пабег па сцежцы. А.Жук.