яблыневы // яблычны

Яблыневы. Які мае адносіны да яблыні, характэрны для яе.
Гэты водар настолькі моцны і жаданы, што, здаецца, прыносіць з сабою шолахі асенняга лісця ў яблыневым садзе, пад якія ў бульбоўнік падаюць важкія, налітыя антонаўкі. В.Карамазаў.

Яблычны. Які мае адносіны да яблыка, характэрны для яго.
Аднак гэта была не проста вада і не расол, а нешта зусім іншае. Нібы ў ваду налілі яблычнага соку: кіславата-саладкаватая, з пахам свежага яблыка. У.Караткевіч.