Матэматычная энцыклапедыя

Жардан Мары Энмон Каміль (Jordan Marie Ennemond Camille; 05.11.1838-21.01.1922), французскі матэматык, акад. Парыжскай АН (1881), замежны чл.-кар. Пецярбургскай АН (1895). Асноўныя працы па алгебры, тэорыі функцый, тапалогіі. З імем Ж. звязаны: тэарэма Ж.-Гёльдэра пра кампазіцыйныя шэрагі групаў, жарданава нармальная форма матрыцы, жарданава крывая. Ж. належыць першы сістэматычны курс тэорыі групаў і тэорыі Галуа (1870) і трохтомны курс матэматычнага аналізу (1882-1887). Ж. увёў паняцце функцыі з абмежаванай зменлівасцю.

Літ.: Стройк Д.Я. Краткий очерк истории математики. М., 1979.

Паведаміць пра недакладнасьць