Матэматычная энцыклапедыя

Мінкоўскі Герман (Minkowski Hermann; 22.06.1864-12.01.1909), нямецкі матэматык і фізік беларускага паходжання, праф. універсітэтаў у Боне (1893), Кёнігсбергу (1894), Цюрыху (1896), Гётынгене (1902). М. стварыў гэтак званую геаметрыю лікаў, у якой распрацоўваюцца геаметрычныя метады развязання пытанняў тэорыі лікаў (тэарэма Мінкоўскага пра выпуклыя формы і лінейныя няроўнасці). М. належаць працы па тэорыі мнагаграннікаў і геаметрыі выпуклых целаў (тэарэмы М., 1896), дзе ім былі атрыманы важныя вынікі (напрыклад, Мінкоўскага няроўнасць, 1896), па матэматычнай фізіцы, гідрадынаміцы і тэорыі капілярнасці. У 1907-1908 гг. М. даў геаметрычную інтэрпрэтацыю кінематыкі спецыяльнай тэорыі рэлятыўнасці, увёўшы гэтак званую Мінкоўскага прастору.

Тв.: Geometrie der Zahlen. Bd. 1-2. Leipzig, 1896-1910.

Паведаміць пра недакладнасьць