Жалезняковіч Серафім (нар. 1913), праваслаўны святар, протапрэсвітэр, удзельнік беларускага хрысціянскага руху 20 ст.

Нарадзіўся 14.12.1913 у в. Ярэмічы на Наваградчыне. Паходзіць з сям'і праваслаўных беларусаў: бацькі - Арсен і Галена Жалезняковічы. Скончыў Віленскую духоўную праваслаўную семінарыю (1935). У гады Другой сусветнай вайны працаваў у беларускай школе ў мястэчку Гайнаўка на Беласточчыне (1943). Выкладаў Закон Божы. З часу заканчэння вайны выконвае святарскія абавязкі ў Беластоку. Служыць настаяцелем кафедральнага сабора св. Мікалая.

Літ.: LCVA, ф. 51, воп. 7, спр. 903; Bialoruskie Zeszyty Historyczne (Беласток). 1994. № 2; Польская аўтакефальная праваслаўная царква.