Посцілка, тканы выраб утылітарнага, дэкаратыўнага і абрадавага прызначэння прамавугольнай формы з дзвюх (радзей адной) частак; від тканін мастацкіх. У Беларусі П. звычайна выконваюцца з ільняных і ваўняных (сучасныя - з акрылавых, віскозных, шаўковых) нітак. Адрозніваюцца па тэхніцы выканання (у 3-4 ніты, пераборная ці шматнітовая тэхніка), выкарыстаннем геаметрычнага арнаменту, багатай колеравай гамай.