Працаваў у віцебскім вытворчым аб'яднаньні «Маналіт». З 1982 - навуковы супрацоўнік Віцебскага абласнога музэю. З 1988 - археоляг у прадпрыемстве «Віцебскпраектрэстаўрацыя». Скончыў гістарычны факультэт Менскага пэдагагічнага інстытуту.
У 1986 разам з аднадумцамі стварыў клюб «Узгор'е», дзейнасьць якога была скіраваная на абарону архітэктурнай і гістарычнай спадчыны Віцебску. Пры ўдзеле клюбу была выратаваная ад зьнішчэньня Пакроўская царква; клюб спрычыніўся да пачатку рэстаўрацыі касьцёлу Сьв. Барбары. У 1988 актыўна падтрымаў ініцыятыву па стварэньні Віцебскай філіі Беларускага Народнага Фронту. У 1990 балятаваўся ў Вярхоўны Савет БССР; у другім туры супернічаў з шэфам абласной міліцыі Мечыславам Грыбам, які тады рэпрэзэнтаваў намэнклятуру (улады забясьпечылі перамогу М.Грыба).
Кр.: 1. ANH. F-3 (Ігар Цішкін).
Сяргей Сахараў
