«Грамада»

«Грамада», бюлетэнь Савецкае рады БНФ «Адраджэньне». Адзіны нумар выйшаў у 1990. Бюлетэнь перадрукоўваў гістарычныя матэрыялы зь іншых выданьняў, паведамляла сьпісы кандыдатаў у дэпутаты, якіх падтрымліваў БНФ у Савецкім р-не Менску.

«Грамада», орган групы падтрымкі БНФ у Менскім р-не (Сеньніца), пачаў выходзіць са студзеня 1989. Рэдактар Юры Пятроўскі. Грамадзка-палітычнае выданьне, зьмяшчала дакумэнты БНФ, паведамленьні пра акцыі БНФ, мясцовыя навіны, перадрукі зь іншых выданьняў.

«Грамада», машынапісны бюлетэнь, орган суполкі Сацыял-Дэмакратычнай Грамады Гарадка (Віцебская вобл.). Інфармацыйнае, грамадзка-палітычнае выданьне. У 1991 выйшлі тры нумары.

«Грамада», цэнтральны орган Беларускай Сацыял-Дэмакратычнай Грамады, адноўлены ў ліпені 1991. Галоўны рэдактар Анатоль Сідарэвіч. Выданьне прэзэнтуе ідэі сацыял-дэмакратыі, падае праграму партыі.

Паведаміць пра недакладнасьць