Дыяніс (Бахус, Вакх), у грэчаскай міфалогіі бог вінаградарства і вінаробства, сын Зеўса і фіванскай царэўны Семелы. Лічыцца, што ён разам са сваёй світай (менады, сатыры) ходзіць па розных краінах і вучыць людзей майстэрству вінаробства, здымае з іх груз зямных клопатаў, бытавых абавязкаў, дапамагае пераадольваць гора, знаходзіць радасць у жыцці. За гэта ў гонар Д. арганізоўваліся святкаванні - Дыянісіі, на якіх праводзіліся ўрачыстыя шэсці, спаборніцтвы драматургаў, паэтаў, спяваліся гімны-дыфірамбы і да т.п.