Асабістасць,

1) (self), суб'ектыўны аспект асобы, перадусім яе здольнасць да адвольнага дзеяння, яе свабодная воля;

2) (I), у тэорыі Дж.Г.Міда паняцце, якое абазначае вобраз маёй асобы маімі ўласнымі вачыма, «я-сам» ці «я-сам-для-сябе»; гл. таксама асабовасць, асоба, дзеяч, індывід;

асабістасць люстраная (looking-glass self), канцэпцыя Ч.Кулі, паводле якой асабістае «Я» чалавека - складаная і вельмі суб'ектыўная рэальнасць, якую ўтвараюць тры элементы: уяўленне пра тое, як я выглядаю ў вачах іншых людзей; меркаванне аб тым, што яны думаюць пра мяне, і пачуццё, якое я маю ў звязку з іх стаўленнем да мяне.