Райск, Парафіяльная царква Пакрова Прасвятой Багародзіцы, узведзена ў 19 ст., перанесена на цяперашняе месца ў 60-ыя гады з-пад Тамашова Любэльскага. Канструкцыя зрубавая, абшаляваная, на плане грэчаскага крыжа, з захаду прытвор са званіцай. Паводле народнага падання прычынай узвядзення першай царквы было цудоўнае з'яўленне іконы Божае Маці ў 16 ст. Ікона загінула ў часе бежанства. Папярэднія цэрквы: парафіяльная (узведзена ў 1875, знішчана ў 1916, адбудавана ў 1937) і могілкавая (з 1863 г.) былі дашчэнту разбураны ў часе акупацыі, у 1942 г.