Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Слоўнік фізічнае тэрмінолёгіі (праект) (БНТ) (6907 артыкулаў)
 
а  б  в  г  д  е/ё  ж  з  и  к  л  м  н  о  п  р  с  т  у  ф  х  ц  ч  ш  щ  э  ю  я  


 

Створана на падставе:

Слоўнік фізічнае тэрмінолёгіі (праект). Менск: Інбелкульт, 1929.

Прадмова

3 даручэньня Інстытуту Навуковае Мовы проект фізычнае тэрмінолёгіі быў апрацаваны выкладчыкам фізыкі ў Белпэдтэхнікуме і ў Б. Дз. Унівэрсытэце А. Ю. Міцкевічам ў 1927−1928 гадох у трох мовах: расійскай, беларускай і францускай; пры гэтым у аснову клаліся такія прынцыпы:

1) Наблізіць да Інтэрнацыянальнае фізычнае тэрмінолёгіі,

2) Скарыстаць багацьце жывой народнай мовы.

Для ажыцьцяўленьня апошняга прынцыпу ўкладальнік імкнуўся скарыстаць, апроч матар’ялаў кніжных і слоўнікаў, і сваю сувязь з студэнтамі (родам з розных мясцовасьцяй Беларусі) Белпэдтэхнікуму і Пэдфаку Б. Дз. У.

Ніжэйпаданы проект фізычнае тэрмінолёгіі імкнецца задаволіць патрэбы школ усіх тыпаў, пачынаючы з сямілеткі і канчаючы вышэйшымі школамі. Выкарыстана наступная літаратура:

Менн и Твисс. − Учебник физики.

А. Цингер. − Начальная физика.

А. Бачинский. − Учебник физики на производственной основе. Ч. 1, 2.

Б. Бачинский. Физика в трех книгах.

И. Григорьев. − Курс физики. Ч. 1, 2.

Э. Варбург. − Учебник опытной физики.

В. Михельсон. − Физика. T. 1, 2.

Э. Лехер. − Курс физики для медиков и биологов.

Н. Умов. − Курс физики. T. 1, 2.

Г. Лоренц. − Курс физики. T. 1, 2.

А. Эйхенвальд. − Теоретическая физика. Ч. 1, 2.

А. Эйхенвальд. – Электричество.

Э. Гримзель. − Курс физики. Ч. 1, 2, 3, 4.

О. Хвольсон. − Курс физики. T. 1, 2, 3, 4, 5 и дополнительные 6, 7.

К. Круг. − Основы электротехники.

Пачатковы проект тэрмінолёгіі ў сярэдзіне 1928 году быў разгледжаны Камісіяй у складзе проф. Я. Сіроціна, Я. Сьняткова, A. Круталевіча і А. Міцкевіча. Пасьля дадаткаў і некаторых зьмен ён быў перададзены ў Інстытут Навуковае Мовы для перагляду і зацьвярджэньня.

Пры складаньні пачатковага проекту дапамогу рабіла настаўніца H. А. Вераскоўская.

Апрацаваны такім спосабам проект фізычнае тэрмінолёгіі перад пераглядам яе ў Інстытуце Навуковае Мовы, пасылаўся для дадаткаў, уваг і паправак у Аддзел Прыроды і Гаспадаркі Б. А. Н. і ў Горацкае Навуковае Таварыства (пры С.-Г. Акадэміі), a потым перагледжаны Інстытутам Навуковае Мовы.

Гэты слоўнік фізычнае тэрмінолёгіі, як і ўсе папярэднія тэрмінолёгічныя слоўнікі, выходзіць у сьвет як проект і мае дыскусійны характар. У далейшым ён можа зьмяняцца, калі запатрабуюць таго навуковы досьлед і школьная практыка. Дзеля гэтага кожны можа падаваць свае ўвагі, якія будуть разглядацца і прымацца да ведама. Але для настаўнікаў і аўтараў падручнікаў гэтая тэрмінолёгія зьяўляецца абавязковаю, покі ня будуць зроблены зьмены прынятым у Беларускай Акадэміі Навук парадкам.

Выпускаючы ў сьвет кожную тэрмінолёгію, Інстытут Навуковае Мовы і далей зьбірае тэрмінолёгічны матар‘ял − народны і літаратурны, каб y наступных выданьнях пашыраць і выпраўляць тое, што на падставе новага матар’ялу будзе вымагаць належных паправак і дадаткаў.

Даць дакладную тэрмінолёгію, якая-б адпавядала ў поўнай меры навуковасьці і здавальняла-б пэдагогічную практыку − справа нялёгкая, і І. H. М. лічыць, што ўдасканаліць сваю работу ён зможа толькі ў тым выпадку, калі на помач яму прыдзе актыўная праца ўсіх зацікаўленых асоб і ўстаноў. Вось чаму І. H. М. зварачаецца да іх з просьбаю дапамагчы яму ў цяжкай справе распрацаваньня беларускае навуковае тэрмінолёгіі.

Сабраны тэрмінолёгічны матар’ял І. H. М. просіць надсылаць у Беларускую Акадэмію Навук (Менск, Рэволюцыйная, 21) на імя Інстытуту Навуковае Мовы.

Інстытут Навуковае Мовы.

15 чэрвеня 1929 г.

 
Слоўнік фізічнае тэрмінолёгіі (праект) (БНТ)   Слоўнік фізічнае тэрмінолёгіі (праект) (БНТ)
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2018