Слоўнікі     Энцыкляпэдыі     Навіны     Пра праект     Кантакт     Спасылкі  
Шукаць:    
 
 толькі ў назьве   па ўсіх слоўніках   віртуальная клявіятура Уставіць беларускае "і" Уставіць у-кароткае (ў)
 
 
Прыказкі Лагойшчыны (1870 артыкулаў)
 
а  б  в  г  д  е  ё  ж  з  і  к  л  м  н  п  р  с  т  у  х  ц  ч  ш  ю  я  
па  пе  пё  пі  пл  по  пр  пу  пч  пы  пя  п'  
 
Старонкі:  1  2  3  4  5  6  7  8  9  10  
 


На ваш запыт знойдзена 187 артыкулаў

  1. Прышлі Калядкі, блінкі ды аладкі. — Даўнейшае ўсхваленьне Калядаў, калі іх сьвяткавалі два тыдні ды пяклі бліны й аладкі.  
  2. Прышоў май, каню сена дай, а сам на печ уцікай. — Аб холадзе ў месяцы траўні, як прыдуць зазімкі й каня трэба карміць у хляве, а самому грэцца на печы.  
  3. Прышоў мужык зь сіла ды гоня пана з двара. — Прыказваюць, калі зайдзе вялікае нахабства ў парушэньні ўласнасьці.  
  4. Прышоў на ўздабыткі. — Калі нехта прыходзе нешта патрэбнае купіць ці пазычыць.  
  5. Прышоў ні званы й пашоў ні сланы. — Калі няпрошаны госьць прыходзіў у хату.  
  6. Прышоў Пятрок - адпаў лісток, прышла Ільля - адпалі два. — Аб паступовым надыходзе восені.  
  7. Прышый кабыля хвост, а ў яе й свой ёсьць. — Калі хто набывае зусім непатрэбную рэч, якая будзе толькі замінішчам.  
  8. Прэціляў пазьбіраў. — Калі нехта памрэ й зьбяруцца прыяцелі - сваякі й сябры - дзяліць маемасьць.  
  9. Пустыня ніколі ня стыня. — Пустыняй называюць пустога чалавека, у якога ўсё пустое - і гутарка, і чыны. Прыказка кажа, што пусты чалавек ня стане паважным.  
  10. Пусьці злыдня на тры дні, а ён і за тры тыдні ня выйдзя. — Калі пусьцяць у хату благога кутніка ці кватаранта.  
  11. Пусьці павалюся, падымі ні ўстану. — Аб бездапаможным, апушчоніку ці гультаю, які сам сябе не дагледзе.  
  12. Пусьці свіню за стол, дык іна й ногі на стол. — Калі бязуважнага, грубога чалавека прыняць у паважную кампанію, дык ён там сваімі паводзінамі няпрыемнасьцяў наробіць.  
  13. Пчала ляціць на любы цвэт. — І сярод людзей ня можа быць ні прымусу, ні абмежаваньня ў падбіраньні сяброўства як у васабістым жыцьці, гэтак і ў грамадзкім.  
  14. Пыл ды дым, як ляцім. — Прыказваюць дзеці пры гульні-бегу.  
  15. Пытаецца люты, ці добра абуты. — Бо ў лютым месяцы бываюць вялікія маразы й ногі мерзнуць.  
  16. Пытаіцца вата, ці далёка хата, а кажушок дзяржыць душок. — Прыказваюць сяляне, калі высьмейваюць адзетак пашыты на ваце.  
  17. Пярэ як у дошку. — Калі нехта бязупынку кашляе.  
  18. Пярэ, як у дошку. — Калі нехта бязупынна кашляе.  
  19. Пятая праз дзясятая. — Калі нехта пры рабоце ці рахунку сьпяшаецца й робе хібы.  
  20. Пятая празь дзісятая. — Калі нехта пры рабоце сьпяшаецца й робе вялікія хібы.  

Старонкі:  1  2  3  4  5  6  7  8  9  10  
 
 
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2008