Слоўнікі     Энцыкляпэдыі     Навіны     Пра праект     Кантакт     Спасылкі  
Шукаць:    
 
 толькі ў назьве   па ўсіх слоўніках   віртуальная клявіятура Уставіць беларускае "і" Уставіць у-кароткае (ў)
 
 
Прыказкі Лагойшчыны (1870 артыкулаў)
 
а  б  в  г  д  е  ё  ж  з  і  к  л  м  н  п  р  с  т  у  х  ц  ч  ш  ю  я  
па  пе  пё  пі  пл  по  пр  пу  пч  пы  пя  п'  
 
Старонкі:  1  2  3  4  5  6  7  8  9  10  
 


На ваш запыт знойдзена 187 артыкулаў

  1. Пазірая, як мыш з патрэп'я. — Калі нехта вызірае зь нейкага сховішча.  
  2. Пазнаюць сокала на палёту, а саву па паглёду. — Па вонкавым выглядзе й рухах пазнаюць характар чалавека.  
  3. Пазычай - благі звычай. — Прыказваюць таму, хто пазычае дзеля таго, каб скруціць.  
  4. Пазычаць - сакольля вочы, а аддаваць - савіны. — Калі нехта пазычае, глядзіць весела, як сокал. А калі трэба аддаваць пазычанае, глядзіць панура, бо шкадуе.  
  5. Пазычоны хлеб еш ды аглідайся. — Пазычоны хлеб няспорны.  
  6. Пайдзі да людзей, дык пачуіш, што дома робіцца. — Як-бы хто пільна ні трымаў сакрэтаў аб сваёй хаце, людзі даведаюцца й будуць аб іх гаварыць.  
  7. Пайдзі ў чужоя сяло, дык пачуіш, што ў сваім робіцца. — Людзі болей цікавяцца чужымі далёкімі навінамі, чымся сваімі блізкімі.  
  8. Па Калядах сонца ўгору, а сьнег далоў. — Сялянская заўвага аб тым, што калі сонца падымаецца на небе вышэй, яно зганяе сьнег.  
  9. Па Калядах (тыдняў) двойчы пяць - да дня сьпяць. — Сялянская заўвага аб тым, што да пачатку сакавіка ніхто досьвіту не ўстае.  
  10. Па Калядах (тыдняў) трэйчы пяць - у полі ліпяць. — У пачатку красавіка сяляне пачынаюць выходзіць у поле, хто пасьціць статак, хто араць.  
  11. Пакольлю вочы носіць. — Калі нейкі вырыванец усюды разглядае, дзе што ляжыць, каб посьля ўкрасьці.  
  12. Пакроў пакрыя зямлю ці сьняжком, ці лістком. — Сялянская заўвага аб набліжэньні зімы.  
  13. Пакуль бедны зайдзя, дык багаты заедзя. — Прыказваюць, калі разойдзецца чутка, што далёка нешта танна прадаецца. Беднаму няварта туды ісьці, бо «пакуль бедны зайдзя, дык багаты заедзя», і ўсё забярэ.  
  14. Пакуль дзед мову згукаў, баба клёцкі зьела. — Матар'ялісты заўсёды ашукае ідэялістага.  
  15. Пакуль дзіця ні заплача, маці ні здагадаецца. — Пакуль пакрыўджаны ня стане скардзіцца, датуль крыўдзіцель ня ўнімецца.  
  16. Пакуль жаніцца - загаіцца. — Прыказваюць таму, хто мае малую больку на целе ці малое пашкоджаньне, якое хутка зажыве.  
  17. Пакуль з багатага пух, дык зь беднага дух. — Прыказваюць беднаму, калі ён пачынае судзіцца з багатым.  
  18. Пакуль меншы абуецца, дык большы нагаруецца. — У сялянскіх гаспадарках старэйшыя дзеці шмат болей працавалі на гаспадарках, чымся меншыя.  
  19. Пакуль сонца ўзойдзя, раса вочы выісьць. — Адказвае чалавек гаротны, калі яго разважаюць, што посьля яму будзе добра жыць.  
  20. Пакуль цэп, патуль і хлеб. — У беднага селяніна хлеб толькі восеняй, пакуль малоцяць.  

Старонкі:  1  2  3  4  5  6  7  8  9  10  
 
 
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2008