-
81
Пашкадаваў воўк кабылу, пакінуў хвост ды грыву. — Прыказваюць паняволеныя свайму прыгнятальніку, калі ён кажа, што іх шкадуе.
-
82
Пашлі дурнога, а за ім другога. — Калі пасланец ня выканаў свайго заданьня.
-
83
Пашло мілая на пастылая. — І мілае стала праціўным, калі яно апынулася ў варожых руках.
-
84
Пашло рукой. — Стала шанцаваць, паручыла.
-
85
Пашоў гандаль на пындаль. — Прыказваюць пры банкруцтве гандлю.
-
86
Пашоў на сяло пазычаць усяго. — Жарт. Гульня слоў. Адказвае той, хто ня хоча сказаць праўды, калі ў яго пытаюць, куды ён ідзе.
-
87
Пашоў па бацьку. — Удаўся гэткім, як бацька й з выгляду, і з натуры.
-
88
Пашоў пасол, уваліўся ў расол. — Калі пасланец пашоў ды аб ім няма ніякіх вестак.
-
89
Пашоў сваім трыбам. — Жыве паводля свайго надуму ды ня слухае парады іншых.
-
90
Пашоў сьвет на сьвет. — Вялікая вандроўка з прымусу, калі людзі кідаюць свае дамы ды ідуць у сьвет.
-
91
Пашоў, як мыла зьеўшы. — Калі нехта пашоў ад сораму.
На запыт знайшоўся 91 артыкул
Паведаміць пра недакладнасьць