На запыт знайшоўся 51 артыкул

  1. 1
    Гадзі яму, як благой скуля. — Аб благім суседзе ці благім чалавеку наагул, якому дагаджаюць ня зь любасьці да яго, але каб ня шкодзіў.
  2. 2
    Гадка зьесьці й шкода пакінуць. — Прыказвае той, у каго блізкі яму чалавек дрэнна сябе паводзе. Прызнацца да яго няпрыемна, і кідаць шкода.
  3. 3
    Галава на век. — Разважаюць таго, хто бядуе па вялікай матар'яльяай страце.
  4. 4
    Галетная сірата. — Бездапаможная сірата бяз маткі й бяз бацькі.
  5. 5
    Галовачка, як макавачка, а розуму, як насрана. — Хоць харошая галава, але дурная.
  6. 6
    Галоднаму хлеб сьніцца. — Гавораць аб тым, хто набыў нейкае непазбытнае жаданьне нешта здабыць, ці нешта дасягнуць.
  7. 7
    Галодны ня думая пад'есьці.
    1. У простым сэньсе гэтак гавораць аб галодным чалавеку.
    2. Прыказваюць, калі зайздрывы чалавек пачынае багацець.
  8. 8
    Галодны поля пярэйдзя, а голы ні за парог. — Прыказвае той, хто ня мае адзетку.
  9. 9
    Ганчар у чарапох есьці вара. — Прыказваюць аб рамесьніку, які не задаваляе самога сябе сваімі вырабамі.
  10. 10
    Гара з гарой ня сойдзіцца, а чалавек з чалавекам можа сыйсьціся. — Прыказваецца пры выпадковым спатканьні даўных знаёмых.
  11. 11
    Гардую пыху Бог зь неба сьпіха. — Аб ганарыстых людзях.
  12. 12
    Гарую, бацюшка, гарую, з аднэй карчмы ў другую. — Жартаўлівая прыказка. Быццам гэтак п'яніца жаліўся сьвятару аб сваім горы.
  13. 13
    Гатовая, як дурноя - само ў рукі лезя. — Калі патрэбныя рэчы ляжаць напаяўку.
  14. 14
    Гвалтам адабраць - адбярэш, алі даць - ні дасі. — Калі нехта адмаўляецца ад пачосткі ці нейкай матар'яльнай дапамогі.
  15. 15
    Глухі нідачуя, дык прыложа. — Прыказваюць таму, хто добра недачуў і пераблытаў сказаньне, ці зьмяніў сэнс сказанай навіны.
  16. 16
    Глухому два здаецца. — Прыказваюць, калі нехта недачуў і перапытвае.
  17. 17
    Глянаў, як тры грошы падарыў. — Калі нехта злосна паглядзеў.
  18. 18
    Гоінай раны ня трэба квяліць. — Ня трэба ўспамінаць перажытай крыўды ці пакуты.
  19. 19
    Голад і крадзе, і маніць. — Голад папіхае чалавека да розных злачынстваў.
  20. 20
    Голад ня цётка. — Прыказвае галодны, калі есьць і ня вельмі ласую страву.

Паведаміць пра недакладнасьць