Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Навіны
 
6 жніўня 2008

Выйшаў з друку Слоўнік мовы «Нашай Нівы» (Т.2).

Слоўнік мовы «Нашай Нівы» (1906-1915). У 5 т. Т. 2. Д-Н
Менск: Тэхналогія, 2007. - 624 с.
ISBN 978-985-458-143-9 (т.2)
Наклад: 500 асобнікаў.

Слоўнік заснаваны на лекісчным матэрыяле, крыніцай якога паслужыла першая масавая беларуская газета «Наша Ніва» - унікальны пісьмовы помнік нацыянальнага адраджэння пачатку XX стагоддзя. У першых чатырох тамах сабраныя агульная лексіка і фразеалогія ў іх поўным аб'ёме. Пададзены ўсе варыянты слова, значэнне яго шырока ілюструецца. Пяты том змяшчае ўвесь набор уласных імёнаў, прозвішчаў, псеўданімаў, назваў населеных пунктаў ды іншых геаграфічных аб'ектаў і выконвае адначасова функцыю паказальніка да факсімільнага выдання «Нашай Нівы». Лексічны матэрыял у слоўніку пададзены ў дзвюх графічных сістэмах - кірыліцы і лацінцы. Для лінгвістаў, гісторыкаў мовы, этнографаў, краязнаўцаў, студэнтаў-філолагаў і ўсіх, хто цікавіцца пытаннямі фармавання сучаснай беларускай мовы.

Гэты слоўнік можна набыць у інтэрнэт-кнігарні «Prastora.by».


3 ліпеня 2008

Выйшаў з друку ЕўраСлоўнік.

ЕўраСлоўнік: 28 моў, каля 100.000 адзінак перакладу.
Л.Баршчэўскі
Менск: Радыёла-плюс, 2008. - 704 с.
ISBN 978-985-448-080-0
Наклад: 1000 асобнікаў.

«ЕўраСлоўнік» - выданне ўнікальнае не толькі ў айчыннай, але і ў сусветнай лексікаграфіі. Гэта спроба наблізіць нашу мову да патэнцыйных чытачоў беларускіх тэкстаў у краінах Паўночнай, Цэнтральнай, Заходняй і Паўднёвай Еўропы, а беларускага карыстальніка павесці ў багаты свет еўрапейскіх моў. Слоўнік уключае каля 100.000 адзінак перакладу і прызначаны найперш для чытання і разумення інфармацыйных, публіцыстычных, навукова-папулярных і мастацкіх тэкстаў, даступных у друкаваным выглядзе альбо ў Сеціве. Адрасуецца шырокаму колу карыстальнікаў.


1 ліпеня 2008

Выйшаў з друку Граматычны слоўнік дзеяслова.

Граматычны слоўнік дзеяслова.
Менск: Беларуская навука, 2007. - 1252 с.
ISBN 978-985-0842-4
Наклад: 1000 асобнікаў.

У аснову рэестра слоўніка пакладзена дзеяслоўная лексіка сучаснай беларускай мовы. Слоўнікавыя артыкулы ўтрымліваюць інфармацыю аб словазмяненні і формаўтварэнні дзеяслова як часціны мовы. Граматычны слоўнік дзеяслова - нарматыўны граматычна-арфаграфічны даведнік, разлічаны на носьбітаў беларускай мовы, якія жадаюць удакладніць свае веды пра напісанне і змяненне дзеясловаў. Асноўнае прызначэнне слоўніка, якія змяшчае каля 35 тысяч дзеясловаў, - адлюстраваць сучаснае словазмяненне дзеяслова, даць поўную сістэму яго марфалагічных форм. Слоўнік будзе карысны ўсім, для каго важна правільная моўная практыка.

Гэты слоўнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!


26 чэрвеня 2008

Выйшаў з друку Слоўнік для дзяцей беларуска-польскі, польска-беларускі.

Слоўнік для дзяцей беларуска-польскі, польска-беларускі / Słownik dla dzieci białorusko-polski, polsko-białoruski.
В.Ждановіч
Менск: Мэдысонт, 2006. - 288 с.: іл.
ISBN 985-6530-44-X
Наклад: 300 асобнікаў.

Беларуска-польскі і польска-беларускі слоўнік для дзяцей багата ілюстраваны дасьціпнымі малюнкамі, дзеля зручнасьці словы разьмеркаваныя па тэматычных разьдзелах, матар'ял пададзены даступна і займальна. Выданьне можа выкарыстоўвацца і як навучальны дапаможнік для тых, хто зусім ня ведае польскай мовы (незалежна ад узросту), і як слоўнік для тых, хто ўжо крыху валодае ёю.


24 чэрвеня 2008

Выйшаў з друку Школьны марфемны слоўнік беларускай мовы.

Школьны марфемны слоўнік беларускай мовы: дапаможнік для ўстаноў, якія забяспечваюць атрыманне агульнай сярэдняй адукацыі. - 2-е выд.
А.Бардовіч
Менск: Аверсэв, 2006. - 496 с.
ISBN 985-509-069-1
Наклад: 5100 асобнікаў.

Слоўнік дапаможа даведацца адносна члянення таго ці іншага слова сучаснай беларускай мовы на структурныя значныя часткі - марфемы (прыстаўкі, корані, суфіксы, злучальныя галосныя, канчаткі). Рэестр слоўніка ўключае амаль 40.000 лексічных адзінак.

Гэты слоўнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!


19 чэрвеня 2008

Выйшаў з друку Этымалагічны слоўнік беларускай мовы (Т.11).

Этымалагічны слоўнік беларускай мовы. Т. 11. Р-С.
Менск: Беларуская навука, 2006. - 333 с.
ISBN 985-08-0740-7
Наклад: 600 асобнікаў.

Чарговы том слоўніка змяшчае этымалагічны аналіз беларускіх слоў на літары Р і С. Як і папярэднія тамы, мае на мэце даследванне гісторыі развіцця лексікі беларускай мовы і яе суадносін з лексікай іншых славянскіх і неславянскіх моў. Разлічаны на філолагаў, літаратуразнаўцаў, гісторыкаў і ўсіх, хто цікавіцца сувязямі беларускай мовы з іншымі мовамі.


17 чэрвеня 2008

Пачалася праца над каталёгам-даведнікам Усе беларускія фільмы (па-рас.)

Даведнік (усяго будзе 329 артыкулаў) зьяўляецца па сутнасьці гісторыяй беларускага кіно ў фактах. Ён утрымлівае поўнае фільмаграфічнае апісаньне беларускіх ігравых фільмаў, створаных (у тым ліку і для тэлебачаньня) у 1926-1983 гг., а таксама іншыя разнастайныя дадзеныя пра іх. Каталёг-даведнік будзе карысны ўсім, хто цікавіцца гісторыяй нацыянальнай культуры, займаецца яе папулярызацыяй.


12 чэрвеня 2008

Выйшаў з друку Школьны словаўтваральны слоўнік беларускай мовы.

Школьны словаўтваральны слоўнік беларускай мовы.
А.Бардовіч
Менск: Аверсэв, 2006. - 512 с.
ISBN 985-478-923-3
Наклад: 5100 асобнікаў.

Пытанні словаўтварэння, цесна звязаныя з марфалогіяй, вывучаюцца на працягу некалькіх гадоў у навучальных установах сярэдняга звяна (агульнаадукацыйных школах, гімназіях, ліцэях, каледжах, педвучэльнях, тэхнікумах). Улічваючы тое, што засваенне вучнямі словаўтварэння і марфемікі нярэдка выклікае пэўныя цяжкасці, ва ўступнай частцы даведніка тлумачацца асноўныя лінгвістычныя паняцці, звязаныя са словаўтваральнай структурай і марфемным складам слоў, з іх словаўтваральнай і марфемнай характарыстыкай, прыводзяцца канкрэтныя ўзоры гэтых сучасных аналізаў слоў. Слоўнік адрасуецца вучням агульнаадукацыйных школ, гімназій, ліцэяў, тэхнікумаў, а таксама настаўнікам і выкладчыкам.

Гэты слоўнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!


10 чэрвеня 2008

Дададзены Малы ідыш-беларускі слоўнік прыказак і прымавак.


5 чэрвеня 2008

Выйшаў з друку Слоўнік студэнта-філолага па методыцы выкладання беларускай літаратуры.

Слоўнік студэнта-філолага па методыцы выкладання беларускай літаратуры.
А.Лугоўскі
Менск: БДПУ, 2006. - 127 с.
ISBN 985-501-070-1
Наклад: 600 асобнікаў.

У слоўнік уваходзяць словы і выразы, якія вызначаюць змест методыкі выкладання беларускай літаратуры. Змешчаны артыкулы-персаналіі пра навукоўцаў, якія ўнеслі значны ўклад у развіццё метадычнай думкі ў Беларусі. Уключаны тэрміны з іншых навук, што актыўна выкарыстоўваюцца ў працэсе выкладання літаратуры. Адрасуецца студэнтам факультэта беларускай філалогіі і культуры БДПУ, а таксама філалагічных факультэтаў ВНУ, выкладчыкам, настаўнікам, усім, хто цікавіцца праблемамі выкладання літаратуры.

Гэты слоўнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!


Старонкі:   1  2  3  4  5  6  7  8  9  10  11  12  13  14  
 
    (с) Электронная Энцыкляпэдыя, 2003-2019