лава, лаўка, тапчан / пераносная: услон, заслон (абл.), зэдлік / школьная, злучаная з нахільнаю дошкай: парта; столак (абл.)

лагчына, нізіна, катлавіна, даліна

лад, уклад, парадак, сістэма, рэжым

лакаматыў / з паравым рухавіком: паравоз, паравік / з рухавіком унутранага згарання: цеплавоз / з электрарухавіком: электравоз

ламачча, лом, лам'ё, сушняк

лапата, рыдлёўка / для перамяшчэння сыпкіх матэрыялаў: шуфель; жалязняк (разм.); заступ (абл.)

лапаць / з лазы: лазовік (разм.); хадак (уст.)

лапушны, лапушысты, шыракалісты

ларок, палатка, кіёск; ятка (уст.)

лата, латка, лапік

лаяць, крычаць, адчытваць, бэсціць, крыць (разм.); прабіраць, грызці, пілаваць, распякаць, разносіць, чысціць, пушыць (перан.) □ рабіць разнос, крыць матам