Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Слоўнік адметнай лексікі (431 артыкул)

Вынікі пошуку
 
а  б  в  г/ґ  
б  г/ґ  д  ж  з  к  л  н  п  р  с  т  ў  ф  х  ч  
 
Старонкі: 1  2  3  4  5  6  7  


На ваш запыт знойдзены 130 артыкулаў

  1. а злучн. ... Спалучальны, далучальны. Ужываецца для злучэння і далучэння членаў сказа.
    Прыйдзе новы - а мудры - гісторык, А ён прыйдзе - ужо ён ідзе... (Я.Купала) На плошчу кліча плошча галосна а зубаста. (А.Вярлюгін) Дай [святы анёле] моцы сіле маёй Зняможанай а слабой. (Р.Барадулін)
  2. абавязанне -я, н. Абавязацельства.
    На царскім двары гэта [умовы звязу Літвы з Расеяй] дрэнна ўспрынялі, паколькі не было ніякіх гарантый, што ліцьвіны захочуць потым выканаць свае абавязаньні. (ARCHE. 2006. №6)
  3. абагульняльны -ая, ае. Які мае ўласцівасць абагульняць.
    Апавяданне напісана рукою майстра, які добра валодае іроніяй, тайнамі стварэння індывідуальных характараў значнай абагульняльнай сілы. (М.Лобан)
  4. абапёрты -ая, -ае. Які абапёрся, абапіраецца.
    Толькі жывая практычная справа, памножаная на здабытыя ў навучальных установах тэарэтычныя веды, абапёртыя на адметнасць таленту, можа забяспечыць светлыя далягляды літаратурна-крытычнаму фронту. (У.Юрэвіч) На кій абапёрты, стары і абдзёрты, Ішоў падарожны адзін. (Я.Купала)
  5. абвалены -ая, -ае. ... Які абваліўся.
    Гарэла абваленая столь. (В.Адамчык)
  6. абвостраны -ая, -ае. Які абвастрыўся (зрабіўся больш напружаным).
    Асноўная тэма перагавораў - згладзіць рэзка абвостраныя адносіны паміж ЗША і краінамі Еўрапейскага эканамічнага супольніцтва. (Звязда. 08.01.1971)
  7. абгаворваны -ая, -ае. Які абмяркоўваецца, абгаворваецца кім-н.
    Я думаю, што кожны з нас за плённейшыя вынікі святкавання - унёс ён саламонаўскае рашэнне для прадстаячых і абгаворваных пытанняў. (Ц.Гартны)
  8. абдалікатніць -ню, -ніш, -ніць, зак., што. Зрабіць далікатнейшым, прыгажэйшым, больш мілагучным.
    Ярмаліцкія асталіся ў вёсцы, на хутары не пайшлі, прозвішча не абдалікатнілі
  9. абдоймы, абдымы, абоймы, абыймы -аў, абдым, вобдым, абнім, абніманне, абняцце Абдымкі.
    У кожнага ёсць... дом бацькоў, Абдоймы жонкі раніцай замглёнай. (У.Караткевіч) [Ядзя] разняла рукі, як быццам бы хочучы супыніць цягнік або ўлавіць у гарачыя абдымы Пракопа. (Ц.Гартны) Зося маўчала, апусціўшы рукі, спачутна аддаўшыся ў яго абоймы. (Я.Лёсік) Гэтак ціха й чароўна-прыгожа ўсё у белых абыймах туманаў. (Н.Арсеннева) Гэтыя падзеі набіралі выразныя формы, напаўняліся багатым зместам бадзёрых настрояў і справодзілі яго дамоў у абдыме яскравай урачыстасці; У цесным вобдыме варожай сілы, яно [Першае мая] бліскае красою дыяменту. (Ц.Гартны) Міхал у моцным быў абніму Хваробы цяжкай і паганай. (Я.Колас) Абнімі ты мяне, маладая, Абніманнем гарачым, Абнімі..; Адсоўваецца [Псіха] назад і валіцца ў абняцце... Эроса. (Я.Купала)
  10. абеданне -я, н. Дзеянне паводле знач. дзеясл. абедаць; абед.
    Старая пані і абедаць кінула, хоць якое там з гора і абеданне было! (М.Гарэцкі)
  11. абенаж прысл. Абедзвюма нагамі (стаяць).
    Яго, да прыкладу, Мішкава шчасце - ён гэта пэўна ведае! - у тым, што цвёрда, абенаж стаіць на сваёй роднай зямлі. (А.Масарэнка)
  12. аб'еханы -ая, -ае. Апушчаны, ссунуты ўніз.
    Толькі немая, з аб'еханаю на адно вуха хусткаю, ставіла чыгунныя цаганы. (В.Адамчык)
  13. абзелянелы -ая, -ае. Які пакрыўся зеленню, пазелянеў.
    Яны спыніліся на мосце, пасталі напроці абзелянелых... слупоў. (В.Адамчык)
  14. абліваны -ая, -ае. Які абліваўся, абліваецца чым-н.
    Злітае потам, слязьмі абліванае, Дзікае зелле прыносіш ты [поле] нам. (Я.Купала)
  15. абнашчыцца -чуся, -чышся, -чыцца, зак. З'есці, выпіць чаго-н. пасля начы, нашча.
    Жаўранок абнашчыцца расінкай... (Р.Барадулін)
  16. абнім, абніманне гл. абдоймы
  17. абнямоглы -ая, -ае. Знясілены, абняможаны.
    Сцепаніда сядзела на бервяне, абнямоглая, заплаканая, і думала: што рабіць? (В.Быкаў)
  18. абняслава -ы, ж. Абняслаўленне.
    Шчымлівае, пакутніцкае пачуццё абняславы не ачнулася ў яе душы на гэты раз. (В.Санько)
  19. абнясмельваць -ае, незак., каго. Пазбаўляць смеласці, рашучасці.
    Я асабіста моцна пакутаваў з-за свайго дылетанцтва ў вайсковай справе і ў справе партызанскай вайны асабліва. Некампэтэнтнасць спалучалася з адказнасцю ды абнясмельвала, я рабіўся падатлівым на розныя пярэчанні і сумненні скептыкаў... (У.Калеснік)
  20. абняцце гл. абдоймы

Старонкі: 1  2  3  4  5  6  7  
 
Слоўнік адметнай лексікі   Слоўнік адметнай лексікі
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2017