Дададзены дыялектны слоўнік Жывёльны свет.

Слоўнік уключае выбраныя з розных крыніц рэгіянальныя беларускія народныя назвы розных жывёл, птушак, рыб, насякомых і іншых істот і лексіку, звязаную з іх характарыстыкай і жыццядзейнасцю (430 артыкулаў).

Выйшаў з друку Частотны слоўнік беларускай мовы.

Частотны слоўнік беларускай мовы.
Н.Мажэйка
Менск: Зоркі гор, 2006. - 658 с.
ISBN 985-6780-12-8
Наклад: 100 асобнікаў.

Частотны слоўнік беларускай мовы, пабудаваны на аснове матэрыялу амаль 2-х мільёнаў (1.801.000) словаўжыванняў, адлюстроўвае статыстычныя дадзеныя аб лексіцы сучаснай беларускай мовы з пачатку 20 стагоддзя і да нашых дзён, даныя аб лексіцы розных жанраў, розных сфер ужывання. Агульная колькасць розных слоў складае 64.536 адзінак. Дапаможнік такога плану падрыхтаваны ў Беларусі ўпершыню. Слоўнік з поспехам будзе выкарыстаны студэнтамі, выкладчыкамі вышэйшых навучальных устаноў, навукоўцамі, настаўнікамі, вучнямі сярэдніх школ, каледжэй і гімназій, а таксама ўсімі тымі, хто імкнецца авалодаць беларускай мовай.

Гэты слоўнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!

Выйшаў з друку тэматычны слоўнік Чалавек.

Чалавек: тэматычны слоўнік.
Менск: Беларуская навука, 2006. - 573 с.
ISBN 985-08-0715-6
Наклад: 200 асобнікаў.

Слоўнік уключае выбраныя з розных крыніц рэгіянальныя беларускія народныя назвы, якія характарызуюць чалавека як грамадскага дзеяча, вызначаюць яго адносіны да працы, да людзей, падкрэсліваюць яго фізічныя і псіхічныя якасці і г.д.

Гэты слоўнік можна набыць у Менску ў Цэнтральнай кнігарні - вялікі дзякуй краме за выходныя дадзеныя!

Выйшаў з друку Нямецка-беларускі слоўнік «фальшывых сяброў перакладчыка».

Нямецка-беларускі слоўнік «фальшывых сяброў перакладчыка». Deutsch-belarussisches Wörterbuch der "falschen Freunde des Übersetzers".
В.Выхота
Менск: Кнігазбор, 2006. - 84 с.
ISBN 985-6824-21-4
Наклад: 300 асобнікаў.

Слоўнік, што прапануецца чытачу, складаецца з тысячы чатырох артыкулаў, у якія ўваходзяць пары нямецка-беларускіх слоў - «фальшывых сяброў перакладчыка» з расейскім перакладам - сродкам дыферэнцыяцыі падобных нямецкіх і беларускіх слоў. Слоўнік прадугледжвае чыста практычныя мэты для перакладу тэкстаў, таму да слоў не даюцца розныя паметы. Выданне зацікавіць таго, хто вывучае нямецкую мову пры ўзаемаўплыве дзвюх блізкароднасных моў. Індэкс нямецкіх слоў - 855 слоў; індэкс беларускіх слоў - 793 словы.

Выйшаў з друку Нямецка-беларускі слоўнік.

Нямецка-беларускі слоўнік: больш за 50 000 словаў. Deutsch-belarussisches Wörterbuch.
М.Кур'янка
Менск: Зьміцер Колас, 2006. - 976 с.
ISBN 985-6783-25-9
Наклад: 500 асобнікаў.

Гэты слоўнік - першы нямецка-беларускі слоўнік сярэдняга памеру (больш за 50 тысячаў словаў). Універсальны характар дазваляе выкарыстоўваць яго з рознымі мэтамі як у пісьмовай, так і ў вуснай камунікацыі. Маючы выразную функцыянальную накіраванасць, слоўнік дапаможа карыстальніку перакласці нямецкія тэксты размоўнага, грамадска-палітычнага і літаратурна-мастацкага жанраў. Прызначаецца шырокаму колу карыстальнікаў: перакладчыкам, студэнтам, навуковым даследчыкам і г.д.

Гэты слоўнік можна набыць у інтэрнэт-кнігарні «Prastora.by».

Выйшаў з друку Ангельска-беларускі слоўнік.

Ангельска-беларускі слоўнік: каля 30 000 словаў. English-Belarusian Dictionary.
В.Пашкевіч
Менск: Зьміцер Колас, 2006. - 1028 с.
ISBN 985-6783-15-1
Наклад: 2000 асобнікаў.

Гэты слоўнік - першы ангельска-беларускі слоўнік сярэдняга памеру (каля 30 тысячаў артыкулаў). У адрозьненьне ад звыклай для беларускага карыстальніка расейскай слоўнікавай традыцыі, у ангельскай частцы слоўніка ўжыты не брытанскі, а амэрыканскі варыянт ангельскай мовы як больш пашыраны ў сьвеце. Гэта датычыць асаблівасьцяў правапісу, вымаўленьня, сэмантыкі словаў і фразэалёгіі. Прызначаецца шырокаму колу карыстальнікаў: перакладчыкам, студэнтам, навуковым дасьледчыкам і г.д.

Гэты слоўнік можна набыць у інтэрнэт-кнігарні «Prastora.by».

Выйшла з друку энцыклапедыя Беларускі фальклор (Т.2).

Беларускі фальклор: Энцыклапедыя: У 2 т. Т. 2: Лабараторыя традыцыйнага мастацтва - «Яшчур».
Менск: Беларуская Энцыклапедыя, 2006. - 832 с.: іл.
ISBN 985-11-0366-7
Наклад: 2000 асобнікаў.

Энцыклапедыя складаецца з 2 тамоў, у якіх змешчана каля 3.000 артыкулаў, прысвечаных абрадам, звычаям, традыцыям і вераванням беларусаў, іх вусна-паэтычнай творчасці, народнаму мастацтву. Значная частка артыкулаў прысвечана фалькларыстычнай навуцы, яе гісторыі, асноўным тэндэнцыям развіцця, а таксама даследчыкам беларускага фальклору, яго збіральнікам і папулярызатарам. Выданне багата ілюстравана чорна-белымі і каляровымі фотаздымкамі. Кніга адрасавана фалькларыстам, краязнаўцам і ўсім, хто цікавіцца беларускім фальклорам, нацыянальнай культурай беларускага народа.

Гэтую энцыклапедыю можна набыць у Менску ў Цэнтральнай кнігарні - вялікі дзякуй краме за выходныя дадзеныя!

Выйшла з друку энцыклапедыя Вялікае Княства Літоўскае Т.2 (К-Я).

Вялікае Княства Літоўскае: Энцыклапедыя. У 2 т. Т.2: Кадэцкі корпус-Яцкевіч.
Менск: Беларуская Энцыклапедыя, 2006. - 792 с.: іл.
ISBN 985-11-378-0
Наклад: 3000 асобнікаў.

Энцыклапедыя адлюстроўвае гісторыю і культуру Вялікага Княства Літоўскага на працягу ўсяго перыяду яго існавання (13-18 ст.). Змешчаны артыкулы, прысвечаныя гісторыі ВКЛ, яго тэрыторыі і адміністрацыйнаму падзелу, дзяржаўнаму і палітычнаму ладу, сімволіцы, дэмаграфіі, народам і мовам, сацыяльнай структуры, сельскай гаспадарцы, рамяству, гандлю, матэрыяльным умовам жыцця, грашоваму абарачэнню, войску, царкве, асвеце, літаратуры, мастацтву, а таксама гістарыяграфіі і крыніцам гісторыі ВКЛ. Энцыклапедыя ілюстравана каляровымі і чорна-белымі здымкамі, малюнкамі, картамі.

Выйшаў з друку Этымалагічны слоўнік беларускай мовы (Т.10).

Этымалагічны слоўнік беларускай мовы. Т. 10. Прасніца-Пяяць.
Менск: Беларуская навука, 2005. - 325 с.
ISBN 985-08-0651-6
Наклад: 1000 асобнікаў.

Чарговы том слоўніка, як і папярэднія тамы, мае на мэце даследванне гісторыі развіцця лексікі беларускай мовы і яе суадносін з лексікай іншых славянскіх і неславянскіх моў. Папярэдні том выйшаў у 2004 г. У 10-м томе завяршаецца этымалагічны аналіз беларускіх слоў на літару П. Вялікая ўвага ўдзяляецца лінгвагеаграфіі слоў, словаўтварэнню, семантычным зрухам. Разлічаны на філолагаў, літаратуразнаўцаў, гісторыкаў і ўсіх, хто цікавіцца сувязямі беларускай мовы з іншымі мовамі.

Гэты слоўнік можна набыць у Менску ў Цэнтральнай кнігарні - вялікі дзякуй краме за выходныя дадзеныя!

Пабачыла сьвет фотаэнцыкляпэдыя Нашы касьцёлы (CD).

Нашы касьцёлы: 870 каталіцкіх сьвятыняў Беларусі: фотаэнцыкляпэдыя.
Выдавец: грэка-каталіцкая парафія іконы Маці Божае Нястомнае Дапамогі
Менск, 2006.

Кампакт-дыск «Фотаэнцыкляпэдыя "Нашы касьцёлы"» - вынік працы 76 фотамастакоў. Чатыры гады безперапыннае працы, 875 аб'ектаў (касьцёлы, кляштары, капліцы), сьвежыя і арыгінальныя артыкулы па гісторыі сьвятыняў, 4100 фатаграфіяў. Прыкладна 400 аб'ектаў, якія зьмяшчае энцыкляпэдыя, вы ня знойдзеце ані ў водным энцыкляпэдычным даведніку. Толькі асноўнымі аўтарамі фатаграфіяў (Андрэй Дыбоўскі, Дзяніс Салаш, Уладзімір Багданаў і Канстанцін Шастоўскі) было праехана прыкладна дзьвесьце тысячаў (200 000!) кілямэтраў.

У фотаэнцыкляпэдыю ўвайшлі ўсе аб'екты, якія на сёньня ёсьць каталіцкімі ці ў бліжэйшы час маглі бы быць перададзеныя касьцёлу. Увайшло ўсё, за што можа зачапіцца фотакамэра, нават калі гэта толькі падмуркі ці пагорачак ад былое каплічкі. У дадатак да дыску падаецца невялічкі фотасьпіс сёньня дзейных грэка-каталіцкіх (вуніяцкіх) сьвятыняў і 20-хвілінны фільм «Нашы касьцёлы» (28 Mb).

Набыць фотаэнцыкляпэдыю можна ў Менску ў Чырвоным касьцёле (22 тыс.руб.), у кіёску Катэдральнага касьцёла (пл. Свабоды, 9), у кнігарні «Духоўная кніга» (Багдановіча, 25), у капліцы сьв. Яна Хрысьціцеля (вул. Плеханава), а таксама набраўшы тэлефонныя нумары, пададзеныя ніжэй, ці праз PayPal.

E-mail: hramy2006@gmail.com
Тэл: (+375 29) 337 54 38 (Velcom), (+375 17) 283 80 08 (гарадзкі).

Гл. сайт фотаэнцыкляпэдыі: http://hramy.com