Адзёр, вострае высокакантагіёзнае захворванне дзяцей, якое выклікаецца марбілівірусам. Заражэнне адбываецца кропельным шляхам. Інкубацыйны перыяд - 9-11 дзён. У катаральным перыядзе развіваюцца кан'юнктывіт, рыніт, фарынгіт, часам дыярэя, на слізістай абалонцы шчакі з'яўляюцца плямы Філатава-Копліка. Для перыяду разгару характэрны высокая тэмпература, інтаксікацыя, пляміста-папулёзная высыпка. У перыядзе выздараўлення магчымы бактэрыяльныя ўскладненні. Перанясенне хваробы прыводзіць да развіцця напружанага пажыццёвага імунітэту. Імунітэт таксама ствараюць увядзеннем жывой вакцыны і адзёравага гама-глабуліну. Вірус выдзяляюць са змываў насаглоткі на культуры клетак. Сералагічны дыягназ устанаўліваюць у РТГА або РПГА.