1) група інфекцыйных захворванняў жывёл і раслін, якія выклікаюцца вірусамі. Галоўнымі асаблівасцямі вірусных інфекцый з'яўляюцца строгі ўнутрыклетачны паразітызм узбуджальнікаў, іх метабалічная, энергетычная і экалагічная залежнасць ад гаспадара, строгі цытатрапізм і іншыя механізмы пашкоджання гаспадара вірусам. Яны падзяляюцца на ачаговыя (мясцовыя) і генералізаваныя, вострыя і працягла існуючыя (персістэнтныя). Апошнія інфекцыі дыферэнцыруюць на латэнтныя (бессімптомныя), хранічныя і павольныя;
2) працэс узаемадзеяння вірусаў і клетак-гаспадароў. Выдзяляюць вострую і хранічную прадуктыўную вірусную інфекцыю, пры якой утвараецца новае пакаленне вірусаў; абартыўную літычную інфекцыю і інтэгральную (лізагенную) інфекцыю (гл. абартыўная лізагенная інфекцыя).
