Парагрып, вострае, шырока распаўсюджанае захворванне чалавека, якое выклікаецца вірусамі парагрыпу з сямейства параміксавірусаў. Працякае па тыпе грыпу або лакальных паражэнняў асобных аддзелаў рэспіраторнага тракта. Асабліва шырока распаўсюджаны сярод дзяцей. Цяжка працякаюць захворванні, якія выкліканы вірусам парагрыпу 3-га сератыпу. Для дыягностыкі выкарыстоўваюць выдзяленне вірусаў на культуры клетак і выяўленне нарастання антыцел у сываратцы крыві ў РТГА.
