Тогавірусы, сямейства складаных РНК-геномных вірусаў. Вірыёны маюць сферычную форму, памеры 40-70 нм. Геном прадстаўлены суцэльнай аднанітачнай пазітыўнай РНК. Капсід пабудаваны па кубаідальным тыпе ў форме ікасаэдра. Суперкапсід складаецца з ліпапратэіднага слоя і паглыбленых у яго двух глікапратэідаў, якія ўтвараюць на паверхні шыпы. У сямействе выдзяляюць тры роды: альфа-вірусы, рубівірусы і песцівірусы - узбуджальнікі захворванняў жывёлы.