Хіміяпрэпараты супрацьвірусныя, хіміятэрапеўтычныя сродкі - хімічныя рэчывы прыроднага, сінтэтычнага або напаўсінтэтычнага паходжання, якія ў нязменным выглядзе або пасля ператварэння аказваюць мікробастатычнае або бактэрыяцыднае ўздзеянне на вірусы ва ўнутраным асяроддзі арганізма і ў той жа час не аказваюць істотнага пабочнага дзеяння на гаспадара. Рэчывы, якія аказваюць аналагічнае дзеяне на вірусы, лакалізаваныя на пашкоджаных ці непашкоджаных скуры і слізістых абалонках, трэба адносіць да антысептыкаў супрацьвірусных. Для хіміятэрапіі вірусных інфекцый ужываюць: а) прэпараты з класа анамальных нуклеазідаў (гл. ёддэзоксіўрыдзін, ацыклавір, відарабін, рыбаверын, цытарабін); б) вытворныя адамантаміну гідрахларыду (гл. амантадзін, рэмантадзін); в) вытворныя тыёсемікарбазонаў (гл. метысазон); г) вытворныя рыфампіцыну. Да супрацьвірусных хіміяпрэпаратаў таксама адносяць інтэрфероны. Механізмы дзеяння хіміяпрэпаратаў складаюцца з: 1) падаўлення рэпрадукцыі віруса ў клетцы, асабліва шляхам падаўлення сінтэзу і актыўнасці вірусіндуцыраваных ферментаў; 2) блакады ўзаемадзеяння рэцэптараў віруса і клеткі; 3) падаўлення працэсу дэпратэінізацыі вірыёна ў клетцы, рэплікацыі геномаў віруса, транскрыпцыі і трансляцыі, заключанай у іх інфармацыі; 4) падаўлення заражаных клетак і асабліва клеткі-гаспадара, якая прадуцыруе вірус; 5) змянення механізмаў узаемадзеяння віруса і клеткі-гаспадара.
