выразаны // выразны // выразны

Выразаны. У розн. знач. Які выразалі.
Адно сцябло - адна кветка. Але якая! Пяць ярка-малінавых пялёсткаў - яны нібы выразаныя па краях, нібы абсыпаныя белымі крапкамі, а ля песцікаў - як усё роўна прастрочаныя кім. Я.Сіпакоў.

Выразны. Выраблены вырэзваннем; з выразамі, разны.
Выразны арнамент. Выразныя ножкі стала.

Выразны.
1. Такі, у якім кожная дэталь, момант яскрава вылучаюцца.
Думаючы пра ўсё гэта, працягваў перабіраць лісты ў шкатулцы, пакуль не выхапіў з яе, як апёкшыся, ліст са знаёмым выразным, буйнымі літарамі почыркам. В.Карамазаў.
2. Дакладна і ясна сфармуляваны.
Выразны адказ.