тыпавы // тыповы

Тыпавы. Які з'яўляецца ўзорам, мадэллю для чаго-н.; стандартны.
Усе крамы размешчаны ў параўнаўча нядрэнных тыпавых памяшканнях. Звязда.

Тыповы. Які часта сустракаецца; характэрны, звычайны.
У кожным самым аддаленым кутку тыповым селянінам, на плечы якога лягла адказнасць за ўраджай, стаў механізатар. І.Навуменка.
Няправільна. Школа была зусім новая, у два паверхі, як і ўсе збудаваныя перад вайною па тыповаму (трэба: па тыпавому) праекту сельскія дзесяцігодкі. І.Грамовіч.