Эрміт Шарль (Hermite Charles; 24.12.1822-14.01.1901), французскі матэматык. Э. належаць даследаванні па розных пытаннях класічнага аналізу, алгебры і тэорыі лікаў. Асноўныя працы па тэорыі эліптычных функцый і іх дастасаваннях. Э. вывучыў клас артаганальных мнагаскладаў (Эрміта мнагасклады). Шэраг працаў Э. прысвечаны тэорыі алгебраічных формаў і іх інварыянтаў (эрмітава форма). Даказаў (1873) трансцэндэнтнасць ліку e.

Літ.: Ожигова Е.П. Шарль Эрмит. 1822-1901. Л., 1982.