Комікс (англ. comics ад comic - смешны), серыя малюнкаў з кароткімі тэкстамі, якія ўтвараюць звязнае апавяданне; можа быць часткай (часопіса, газеты, кнігі) ці самастойным (кніга, брашура) выданнем. З'явіўся ў кан. 19 ст. у газетах ЗША. Сучасныя К. акрамя гумарыстычнага зместу бываюць прыгодніцкімі, гістарычнымі, ствараюцца на сюжэты класічных літаратурных твораў, казак, дэтэктываў, фантастыкі.
