Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
 

Хваляваньні ў Менску 09.04.1970, несанкцыянаваны мітынг з выкарыстаньнем формаў непадпарадкаваньня ўладам. Зьвязаны з забойствам менскага хіпі Вячаслава Максакава (19.03.1952 - 07.04.1970). Удзел у выступленьні бралі прадстаўнікі беларускага музычнага нонканфармізму.

Выступленьне адбылося стыхійна на месцы забойства В.Максакава па вул. Энгельса ля кінатэатру «Навіны дня» (цяпер - Малая сцэна Нацыянальнага акадэмічнага тэатру імя Янкі Купалы), у 300 метрах ад ЦК КПБ. Па розных ацэнках, у акцыі ўзяло ўдзел ад 100 да 400 чалавек.

07.04.1970 Вячаслаў Максакаў і яго сябар Аляксандар Шарубаў былі спыненыя каля кінатэатру «Навіны дня» крыкамі нейкага хлопца «Хайль Гітлер!». Распачалася бойка, падчас якой незнаёмы выцягнуў з рукава штых і параніў хлопцаў - В.Максакава сьмяротна.

8 красавіка на месцы забойства нехта зрабіў графіці «Тут 7 красавіка забілі Славу Максакава». 9 красавіка па вяртаньні з пахаваньня В.Максакава ягоныя сябры сталі выпадковымі сьведкамі зьнішчэньня графіці. Абураныя такімі дзеяньнямі, сябры забітага спынілі зьнішчэньне. Каля месца забойства пачалі зьбірацца людзі. Да кінатэатру пад'ехалі машыны з міліцыяй, усім загадалі разысьціся. На гэта ўдзельнікі выступленьня сашчапілі рукі ў локцях і сталі ля сьцяны. За кароткі час да міліцыі далучыліся байцы Белпалка (унутраныя войскі), якія ачапілі вуліцу і паспрабавалі разарваць жывы ланцуг - між хіпі і ахоўнікамі парадку пачалася бойка. У выніку сутыкненьня была затрыманая пэўная колькасьць хіпі. Пазьней затрыманых і магчымых удзельнікаў выступленьня выключылі з навучальных установаў.

Пасьля красавіцкага выступленьня ўлады ўзмацнілі прэсынг на музычную контркультуру Менску: міліцыя і гэтак званыя добраахвотныя дружыньнікі рабілі аблавы на хіпі, супраць хіпі заводзілі адміністрацыйныя справы, як «ненадзейных», удзельнікаў хіпі-руху выключалі са школ, вышэйшых навучальных установаў. Падзеі 09.04.1970, на думку музыкаў і журналістаў, справакавалі негатыўную рэакцыю ўладаў на правядзеньне II-га фэсту біт-ансамбляў у Менску.

Літ.: 1. Подберезский Д. Апрель семидесятого. Новость дня // Имя. 17.04.1998.

Дэмакратычная апазыцыя Беларусі (1956-1991). Даведнік   Дэмакратычная апазыцыя Беларусі (1956-1991). Даведнік
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2021