Альшэўскі Кастусь (1922, в. Новая Гута былога Вялейскага павету Віленскага ваяводзтва (цяпер Вялейскі р-н Менскай вобл.)), удзельнік беларускага патрыятычнага падпольля ў Маладэчанскай вобл.

Пасьля вайны працаваў дырэктарам Скародзкай школы Ільлянскага р-ну Маладэчанскай вобл. У 1947 - удзельнік беларускага патрыятычнага падпольля ў Маладэчанскай вобл. (група С.Яноўскага). Арыштаваны органамі МГБ 16.08.1947 і засуджаны ваенным трыбуналам у Менску 21.11.1947 паводле артукулаў 63-I і 76 КК БССР (цывільная здрада савецкай радзіме і антысавецкая агітацыя) да 10 гадоў зьняволеньня і 3 гадоў пазбаўленьня правоў (высылкі). Пакараньне адбываў у турмах Менску і канцлягерох СССР.

Васіль Супрун