Вірусы, інфекцыйныя агенты няклетачнай прыроды, якім уласцівы ўнутрыклетачны паразітызм, найдрабнейшыя памеры, прастата хімічнага складу і структурнай арганізацыі. Пранікаючы ў клеткі адчувальных аб'ектаў, вірусы здольныя, рэалізуючы генетычную інфармацыю, закадаваную ў іх геноме, перабудаваць метабалізм клеткі, накіраваўшы яго ў бок сінтэзу вірусных часціц.
