Варонка Язэп (псэўд. Юры Вегаў; 04.04.1891, Сакольскі павет - 04.06.1952, Чыкага), дзеяч нацыянальнага руху, журналіст. Дэлегат I Усебеларускага кангрэсу, першы старшыня Народнага Сакратарыяту Рады БНР. Прыхільнік саюзу зь Летувой. Са сьнежня 1918 г. па красавік 1920 г. - міністар беларускіх спраў пры ўрадзе Летувы. З 1923 г. жыў у Чыкага, займаўся грамадзкай працай, быў адным з закладальнікаў Беларуска-Амэрыканскай Нацыянальнай Рады.

Крыніца: Лявон Юрэвіч. Літаратурны рух на эміграцыі. Менск, БГА, 2002.