Меліярацыя (ад лац. melioratio - паляпшэнне), сістэма мер, накіраваная на паляпшэнне прыродных глеб. Адрозніваюць абвадняльную, асушальную, фітамеліярацыю і інш. формы. Дае магчымасць змяняць комплекс прыродных умоў і такім чынам асвойваць раней непрыгодныя для гаспадарчай дзейнасці чалавека землі, фармаваць высокапрадукцыйныя аграбіяцэнозы, забяспечваць устойлівыя ўраджаі.
