Хіянафілы (ад грэч. chion - снег і ...філ), расліны і жывёлы, якія насяляюць месцы са снежнымі зімамі і валодаюць адпаведнымі прыстасаваннямі для жыцця ў гэтых умовах. Сярод раслін - гэта віды, здольныя развівацца пад снегам (пралеска, кураслеп, падснежнік). У жывёльных Х. к зіме паяўляецца ахоўная белая афарбоўка, развіваюцца шорсткія валасы або пёры на ступнях, павялічваецца плошча апоры і інш. Так, дробныя куніцавыя валодаюць тонкім выцягнутым целам, якое дазваляе лёгка перамяшчацца па падснежных ходах грызуноў. Да Х. адносяцца насякомыя, якія паяўляюцца на снезе (напр., нагахвосткі).

Паведаміць пра недакладнасьць