Галінасты. З вялікімі галінамі; разложысты, разгалісты.
Полымя то ўспыхне, то патухне і галінасты стары дуб то раптам выступае з цемені, то тоне ў ёй. М.Лупсякоў.
Галіністы. З вялікай колькасцю галін.
Галіністае дрэва.
Галіновы. Які мае адносіны да пэўнай галіны (навукі, вытворчасці і г.д.).
Галіновыя органы кіравання, за некаторымі выключэннямі, асталіся тыя ж самыя. Полымя.
Галянасты. З тонкімі доўгімі галёнкамі.
Так яны стаялі моўчкі адзін супраць аднаго - малады, худы, галянасты хлопец і пажылы дзядзька з касматым тварам. І.Дуброўскі.
