палатачны / палаткавы // палатны

Палатачны. Прызначаны для палатак; які складаецца з палатак.
Паміж сопкамі бялеюць дамы адпачынку, піянерскія лагеры, палатачныя табары турыстаў. С.Грахоўскі.

Палаткавы. Тое, што і палатачны.
Палаткавы матэрыял. Палаткавы гарадок.

Палатны. Які мае адносіны да палаты - пакоя для хворых у лячэбнай установе.
Таццяна Іванаўна - наш палатны лекар. І.Шамякін.

Паведаміць пра недакладнасьць