Сіберны. Разм.
1. Крайне суровы; бязлітасны, жорсткі.
І на гэты раз паэт піша з думкай пра народ, пра яго нялёгкую долю на сіберных паўстанках гісторыі. А.Марціновіч.
2. Вельмі моцны, рэзкі, люты (пра вецер, мароз і пад.).
Сіберны холад прабіраўся пад вынашаныя шынялі і разлезлыя ад поту гімнасцёркі. М.Аўрамчык.
Сібірскі. Які мае адносіны да Сібіры, уласцівы ёй; які жыве ў Сібіры.
Пышна закусцілася на сібірскіх аблогах цёмна-зялёным дываном пшаніца. А.Пальчэўскі.
Сіверны. Разм. Паўночны (пра вецер); халодны з рэзкім пранізлівым ветрам (пра пагоду).
Хоць быў сакавік, а яшчэ маразы даходзілі да трыццаці градусаў, бушавалі завеі і секлі сіверныя ветры. С.Грахоўскі.
