Афорт (ад франц. eau-forte - азотная кіслата), від гравюры на метале, у якой паглыбленыя элементы друкарскай формы ствараюцца шляхам траўлення металу кіслотамі. На адпаліраваную цынкавую або медную пласціну наносяць кіслотатрывалы лак, стальной іголкай прадрапваюць малюнак да металу. Пасля пратраўлівання чыстых ад лаку месцаў атрымліваюцца паглыбленыя друкарскія элементы.
