Атамізм (atomism), метадалагічны падыход, заснаваны на дапушчэнні, што вывучаная з'ява ёсць толькі мноствам адзінкавых элементаў, якія не ўтвараюць незалежнай ад іх цэласці; у сацыяльнай тэорыі прыхільнікі таго падыходу (напрыклад, Г.Тард, Г.Зімэль, М.Вэбэр і г.д.) звычайна лічаць, што не існуе нейкага грамадства, незалежнага ад асобаў, што яго складаюць; грамадства, на іхную думку, ёсць толькі сумаю ўсіх індывідаў і іхных дачыненняў паміж сабой; падыход, блізкі метадалагічнаму індывідуалізму і процілеглы халізму і метадалагічнаму калектывізму.
